Auditorja e Përgjithshme, Vlora Spanca ka kërkuar që në Komisionin për Buxhet, Punë dhe Transfere të i aprovohet kërkesa për ulje të pagës nga 3.835 në 2.800 euro, raporton InLajmi.
Gjatë këtij Komisioni Armend Muja, tha se Auditorja e Përgjithshme ka bërë vet kërkes që paga e saj të luhet në 2.800 euro.
Mirëpo, Deputeti Eman Rrahmani tha se nuk është etike që të përzihen në kërkesën e vet Auditores së Përgjithshme.
“Ka qenë vetiniciativë dhe nuk është etike nga ne të përzihemi në këtë pjesë apo të ndryshojmë pasi është diçka simbolike dhe të lihet vlera e asaj që ka kërkuar pra 2 mijë e 800 euro. Nuk duhet që të ndikojmë edhe tek dikush që ndoshta kërkon ulje page dhe me u ndikua që ne mundemi edhe më shumë t’i ulim”, tha ai.
Pas kësaj është përcaktuar që në bazë të ligjit, Auditores së Përgjithshme t’i caktohet paga prej 2.800 euro bruto.
“Priten të raportohen 134 raporte të auditimit dhe raporte të tjera që kanë të bëjnë me resurse njerëzore. Deri ne fund të vitit do dërgohen raporte edhe tek Ministria e Drejtësisë, raporte konfidenciale për dhomat e specializuara të gjykimeve”, ka thënë Spanca. /InLajmi/
