Departamenti amerikan i Shtetit se Shtetet e Bashkuara bëjnë thirrje për qetësi, pas zhvillimeve të 13 Tetorit në Kosovë.
“Ne do të vazhdojmë të punojmë me Bashkimin Evropian dhe NATO-n për t’iu ndihmuar të gjitha palëve që të arrijnë përparim në normalizimin e marrëdhënieve dhe ulje të tensioneve”, është thënë në përgjigje.
Policia e Kosovës ka zhvilluar një aksion policor kundër kontrabandës në rajonin e Prishtinës, Pejës, Mitrovicës së Jugut dhe Mitrovicës së Veriut më 13 Tetor.
Ky aksion është kundërshtuar nga serbët lokalë në Mitrovicë të Veriut dhe Zveçan, të cilët kanë protestuar dhe kanë ngritur barrikada.
Në orët e mbrëmjes, barrikadat e vendosura në rrugën magjistrale Prishtinë-Rashkë, përkatësisht në vendbanimin në Rudarë, në Komunën e Zveçanit si dhe ato të vendosura në Lagjen e Boshnjakëve në Mitrovicë të Veriut, janë tërhequr.
Sipas autoriteteve, 10 policë dhe 10 qytetarë janë lënduar në Mitrovicë të Veriut, ndërkaq 8 persona janë arrestuar ose ndaluar ka thënë ky departament për Radion Evropa e Lirë.
Po ashtu, 10 persona të dyshuar për përfshirje me kontrabandë me mallra, janë shpallur në kërkim.
Autoritetet në Kosovë kanë thënë se gjatë aksionit janë sekuestruar mallra të kontrabanduara në vlerë prej qindra mijëra eurosh.
