“Rezultatet e ndeshjeve të fundit dhe mundësia për t’u renditur në vendin e dytë kanë shtuar interesimin e tifozëve për sfidën e sotme me Poloninë. Sipas të dhënave pritet që stadiumi “Air Albania” të jetë i mbushur për takimin kualifikuese të Botërorit me një rival direkt për këtë objektiv”.
E gjithë vëmendja do të jetë në këtë stadium. Federata Shqiptare e Futbollit bën të ditur se janë shitur të gjitha biletat në arenën që mban rreth 22.000 spektatorë kjo edhe falë lejes speciale që kanë dhënë autoritetet.
Mbështetësit polakë janë rreth 800. Grupimet e tifozëve të Shqipërisë nisën përgatitjet disa orë para fillimit të takimit për të krijuar koreografitë që do të kthehen në mbështetje për lojtarët.
Trajneri Reja pas shumë problemeve me dëmtimet, pezullimet dhe Covid-19 pritet të ndryshojë formacionin e minutës së parë. Në vend të Gjimshitit në mbrojtje do të jetë Veseli.
Në mesfushë vendin Çekiçit mendohet ta marrë Bajrami, ndërsa në sulm parashikohet dyshja Manaj – Broja, nëse nuk ka surpriza të orës së fundit, shkruan tvklan.al
Shqipëria përveçse duhet të sulmojë, duhet të mendojë si të ndalë skuadrën ku ylli mbetet Leëandoëski, ai që zgjidhi ndeshjen e muajit të kaluar në Varshavë.
