Bisedimet e para midis udhëheqësve amerikanë dhe talebanëve që nga tërheqja e trupave amerikane në Gusht kanë përfunduar në Doha, transmeton InLajmi.
Bisedimet në Katar u përqëndruan në përmbajtjen e grupeve ekstremiste, evakuimin e qytetarëve amerikanë dhe ndihmën humanitare.
Zyrtarët amerikanë thanë se ndërsa grupi do të gjykohej nga veprimet e tij, bisedimet kishin qenë “të sinqerta dhe profesionale”.
SHBA këmbëngulin se ky takim nuk përbën njohje të talebanëve.
Në një deklaratë të lëshuar të dielën në mbrëmje, talebanët pohuan se SHBA kishte rënë dakord të fillonte të siguronte ndihmë humanitare për vendin.
“Përfaqësuesit amerikanë deklaruan se do t’u japin ndihmë humanitare afganëve dhe do të ofrojnë lehtësira për organizatat e tjera humanitare për të ofruar ndihmë,” tha grupi.
Ata shtuan se do të “bashkëpunojë me grupet bamirëse në dhënien e ndihmës humanitare atyre që meritojnë në mënyrë transparente dhe do të lehtësojë lëvizjen parimore të shtetasve të huaj”, përcjell BBC.
Sidoqoftë, SHBA ende nuk e ka konfirmuar zyrtarisht këtë pretendim./InLajmi/
