Alexander Schallenberg ka marrë postin e kancelarit të Austrisë, transmeton InLajmi.
Ministri i Jashtëm u betua si kancelar i ri, pasi paraardhësi i tij, Sebastian Kurz, dha dorëheqjen pas akuzave për korrupsion.
Kurz dhe 9-të zyrtarë të tjerë u vunë nën hetim pas bastisjeve të lidhura me Partinë e tij konservatore të Popullit.
Ai mohon pretendimet se ka përdorur fonde qeveritare për të blerë mbulim të favorshëm të mediave.
Akuzat e çuan qeverinë e tij të koalicionit në prag të kolapsit pasi partneri më i vogël, të Gjelbrit, thanë se Kurz nuk ishte më i përshtatshëm për të qenë kancelar.
Të Gjelbrit filluan bisedimet me partitë opozitare, të cilat po kërcënonin se do të sillnin një mosbesim kundër kancelarit javën e ardhshme.
Udhëheqësi i të Gjelbërve dhe Zëvendës Kancelari Werner Kogler, mirëpritën dorëheqjen e Kurz dhe treguan se ishin të gatshëm të punonin me Schallenberg.
Kurz tha se ai “do të tërhiqej për të parandaluar kaosin”, por do të mbetet udhëheqës i partisë së tij dhe do të vazhdojë të ulet në parlament, shkruan BBC.
Presidenti austriak Alexander Van der Bellen e paraqiti Schallenberg si një diplomat me përvojë dhe një operator politik të aftë./InLajmi/
