Ish-kryetari i Partisë Demokratike të Kosovës, Enver Hoxhaj, ka reaguar për mes një postimi në Facebook duke thënë se në Beograd po mbahet Samiti i të “ainkuadruarve” i cili sipas tij, ka për qëllim goditjen e Kosovës, dhe sipas tij politika e jashtme në Kosovë nuk po ndërmerr asgjë, përcjell InLajmi.
Hoxhaj tutje ka thënë se Serbia organizoi “Samitin e të Painkuadruarve”, mbajtja e të cilit sipas tij, nuk ka për qëllim të kujtojë e flasë për 60-vjetorin e themelimit të kësaj lëvizje.
Postimi i plotë i tij:
Qëllimi i parë është të godasë Kosovën në planin ndërkombëtar! Qoftë me tërheqje të njohjeve apo me bllokim të anëtarësimit në organizatat ndërkombëtare! Qëllimi i dytë minimi i vlerave të Perëndimit kudo në botë. Sepse dihet se përmes kësaj lëvizje po përfaqësohen interesat e Rusisë dhe të Kinës, aty ku këto nuk mund ta bëjnë vetë këtë! Meqë çdo lloj shteti, race e feje është mbledhur në Beograd, ndër tjerash kundër Kosovës, politika e jashtme e Kosovës duhet të mbledhë forcën, të paktën të dalë me një qëndrim me shkrim për këtë ngjarje antiperëndimore, në të cilën ministri i jashtëm rus Lavrov është mysafir nderi i Samitit! /InLajmi/
