Deputetja e Kuvendit të Kosovës, Jeta Statovci, ishte pjesë e sesionit të organizuar nga Organizata Botërore e Shëndetësisë për Europë rreth temës “Përshpejtimi i adaptimit të telemjekësisë në kujdesin shëndetësor parësor gjatë dhe përtej Covid, përcjell InLajmi.
Statovci përmes një postimi në Facebook, tregoi që në këtë event biseduan rreth përparësive që sjell telemjeksia në raport me kohën, efikasitetin financiarë, rritjen e qasjes në konsultime shëndetësore dhe vizita virtuale.
Postimi i plotë i saj:
Sot mora pjesë si folëse në sesionin e organizuar nga Organizata Botërore e Shëndetësisë/ Zyra për Evropë rreth temës “Përshpejtimi i adaptimit të telemjekësisë në kujdesin shëndetësor parësor gjatë dhe përtej Covid-19 ‘të”.
Në këtë event biseduam rreth përparësive që sjell telemjeksia në raport me kohën, efikasitetin financiarë, dhe rritjen e qasjes në konsultime shëndetësore/vizita virtuale.
Telemjeksia dhe ndërlidhja e pacienteve me ofruesin e shërbimeve shëndetësore për konsultime/vlerësime mund të shërbej si dorë e zgjatur e sistemit, aty ku ende aksesi është i vështirësuar (përfshirë këtu zonat e thella rurale). Aspekt pozitiv është dhe mundësia e monitorimit dhe kordinimit të kujdesit rreth pacieteve me sëmundje kronike, duke parandaluar keqësimin e situatës. Pavarsisht lehtësimeve që telemjeksia mund të ofroj, në ca raste nuk arrin të zëvendësoj nevojën për kontaktin direkt në trajtim, dhe sentimentin e profesionistit në vlerësim të situatës. Andaj, duhet trajtuar me kujdes balancimin e këtyre 2 aspekteve. /Inlajmi/
