Ushtrusja e detyrës së ministres së Shëndetësisë, Dafina Gexha-Bunjaku, vizitoi Klinikës e Onkologjisë, ku tha që ky institucion që ajo përfaqëson janë shumë të përkushtuar në sigurimin e barnave dhe përgaditjen e planit nacional për sensibilizimin dhe ndërgjegjësimin për kancer të gjirit, raporton InLajmi.
Bunjaku tha që muaji Tetor njihet si muaji i ndërgjegjësimit të kancerit të gjirit, e shprehur në veçanti tek grate, ku të dhënat tregojnë që 1 në 8 gra preken nga kanceri i gjirit.
“Tetori njihet si muaji i ndërgjegjësimit të kancerit të gjirit e shprehur në veçanti tek gratë. Të dhënat tregojnë se 1 në 8 gra preken nga kanceri i gjirit dhe vetëm trajtimi i hershëm e rrit shkallën e mbijetesës. Nga të dhënat e Onkologjisë, në 9 muajt e fundit janë trajtuar 400 gra të moshës 50 vjeçare”, tha Gexha-Bunjaku.
Ajo tha se bashkëpunimi i institucioneve shëndetësore, profesionistëve shëndetësor mbetet arma më e fortë kundër kancerit të gjirit.
“Bashkëpunimi i institucioneve shëndetësore, profesionistëve shëndetësor mbetet arma më e fortë kundër kancerit të gjirit. Inkurajojmë gratë dhe burrat që ta rrisin kujdesin dhe vetëkontrollin. Ne u informuam nga drejtori i Klinikës Onkologjike për sfidat e punës së kësaj klinike, terapitë dhe probleme tjera, andaj si ministri e Shëndetësisë jemi të përkushtuar që luftën kundër kancerit të gjirit ta bëjmë me një plan nacional”, tha Gexha./InLajmi/
