Shërbimi Spitalor, Klinik dhe Universitar i Kosovës ka bërë të ditur rastet e spitalizuara me koronavirus për datën 8 Tetor 2021, përcjell InLajmi.
Sipas SHSKUK 106 pacientë me koronavirus janë të shtrirë në spitalet e përgjithshme në të gjithë Kosovën.
Nga ta 73 pacientë janë me oksigjeno-terapi, ndërsa 6 në kujdes intensiv.
Njoftimi i plotë i SHSKUK-së:
Spitali i përgjithshëm i Pejës dhe Spitali i përgjithshëm i Vushtrrisë, nuk kanë në trajtim asnjë pacientë me COVID-19.
Rënie të ndjeshme të rasteve ka edhe në spitalet e tjera, por edhe në klinikat e Qendrës Klinike Universitare të Kosovës.
Bazuar në raportin e datës 8 tetor 2021, në tërë Shërbimin Spitalor Klinik dhe Universitar të Kosovës, në trajtim janë 106 pacientë, prej tyre 73 me oksigjeno-terapi dhe 6 në kujdes intensiv, në gjendje të rënduar shëndetësore.
Numri i pacientëve sipas klinkave COVID-19 dhe spitaleve të përgjithshme
Klinika Infektive, 29 pacientë
Klinika Infektive II ( Mjekësi Sportive) 9 pacientë
Klinika e Pulmologjisë, 19 pacientë post-covid-19
Mjekimi Intensiv në Klinikë Infektive, 5 pacientë
Spitali i Prizrenit, 4 pacientë
Spitali i Gjakovës, 3 pacientë
Spitali i Gjilanit, 9 pacientë
Spitali i Mitrovicës, 10 pacientë
Spitali i Ferizajt, 18 pacientë./InLajmi/
