Microsoft zbuloi se Rusia përbënte shumicën e sulmeve kibernetike të sponsorizuara nga vetë shteti, vitin e kaluar, transmeton InLajmi.
Nga zbulimi doli se rreth 58% të sulmeve ishin kryer nga Rusia, me synim kryesor agjencitë qeveriatre dhe qendrat e studimeve në SHBA, dhe sulme tjera në Ukrainë, Britani dhe shtete anëtare të NATO-së.
Efektiviteti shkatërrues i hakimit të pazbuluar prej kohësh SolarWind, ka shkelur kryesisht bizneset e teknologjisë së informacionit duke përfshirë edhe vetë Microsoft-in.
Kina, ndërkohë, përbënte më pak se 1 në 10 nga përpjekjet e hakimit të mbështetura nga shteti që Microsoft zbuloi, por ishte e suksesshme 44% të kohës në depërtimin në rrjetet e synuara.
Ndërsa hakimi i sponsorizuar nga shteti i Rusisë është i mirënjohur, raporti i Microsoft ofronte detaje jashtëzakonisht specifike se si përputhet me atë nga kundërshtarët e tjerë amerikanë.
Raporti citoi gjithashtu sulmet ransomëare si një murtajë serioze dhe në rritje, me Shtetet e Bashkuara deri tani si vendi më i shënjestruar, i goditur nga më shumë se 3-fishi i sulmeve të kombve të tjera në shënjestër.
Sulmet Ransomware janë kriminale dhe të motivuara financiarisht, shkruan AP.
Në të kundërt, hakimi i mbështetur nga shteti ka të bëjë kryesisht me mbledhjen e inteligjencës-qoftë për sigurinë kombëtare apo avantazhin tregtar apo strategjik, dhe kështu tolerohet përgjithësisht nga qeveritë. Raporti nga Microsoft Corp, i cili punon ngushtë me agjencitë qeveritare të Uashingtonit, nuk trajton hakimin e qeverisë amerikane ndaj vendeve të tjera./InLajmi/
