Federata Sindikale e Shëndetësisë së Kosovës paralajmëron një protesë masive pas zgjedhjeve lokale të 17 Tetorit, përcjell InLajmi.
Sipas kësaj federate kërkesat për shtesat në pagë sipas Ligjit për Pandeminë nuk janë marrë fare parasysh nga Qeveria, edhe pse protestuan për të njëjtën arsyje 3 javë më parë.
“Duke pasur parasysh që kanë kaluar 3 javë nga protesta publike e përfaqësuesve sindikal të punonjësve të shëndetësisë, protestë në të cilën u shpalosën kërkesat për shtesat në pagë sipas Ligjit për parandalimin dhe luftimin e pandemisë COVID-19 dhe për fillimin e procedurave të plotësimit dhe miratimit të Ligjit mbi Pagat, me theks të veçantë që të futet në parashikimin e buxhetit për vitin 2022, dhe mosrespektimin absolut nga Qeveria, FSSHK-ja në mbledhjen e mbajtur me datë 07.10.2021 PARALAJMËRON se menjëherë pas datës 17.10.2021 pra, pas procesit zgjedhor komunal do të organizojë PROTESTËN e radhës e cila do të jetë më masovike se ajo e datës 17.09.2021” thuhet në njoftim./InLajmi/
