Komisioni për të drejtat e Njeriut, Barazinë Gjinore, për personat e pagjetur, viktimat e Dhunës Seksuale të Luftës dhe Peticionet mbajti takim me përfaqësues të Komisionit Qeveritar për persona të Zhdukur, raporton InLajmi.
Andin Hoti, i cili është kryesuesi i Komisionit Qeveritar për personat e Zhdukur, tha që bashkëpunimi i të gjitha institucioneve është shumë i nevojshëm.
Hoti tha kjo çështje kërkon unifikim në mënyrë që të arrihen rezultate.
Ai shtoi se këtë çështje do ta trajtojnë si çështje humane dhe jo politike, si dhe do të kërkojnë ndryshimin e ligjit.
Hoti në këtë takim ka bërë të ditur se janë 5 lokacione të dyshimta për varreza në Kosovë.
“Ne jemi duke punuar në ndryshimin e Ligjit për persona të zhdukur. Familjarët e personave të zhdukur duhet të kenë edhe benfitie. Aktualisht brenda Kosovës janë disa urdhëresa prej prokurorisë e hulumtimeve në disa lokacione. Për hir të mos shqetësimit të familjarëve ne nuk kemi bërë publike lokacionet që jemi duke punuar. 5 lokacione që kemi urdhëresa dhe jemi duke punuar”, tha Hoti.
Sipas Hotit prioriteti kryesor do të mbetet lokacioni në Serbi dhe kërkon që Serbia të jap qasje në arkiva në mënyrë që të zbardhet fati i të zhdukurve.
“Informacionet na qojnë në dyshime që në Serbi mund të ketë lokacione të tjera. Ndër sfidat si komision është mungesa e saktë e informacioneve të verifikuar dhe del informacion i rrejshëm. Ndër sfidat në Bruksel ka qenë edhe qasja në arkiva shtetërore të ushtrisë së Serbisë që kanë të bëjnë me luftën në Kosovë. Ne kemi bashkëpunim me SHBA që e kanë fokus çështjen e personave të zhdukur. Po vazhdojmë të kërkojmë rritjen e presionit të Serbisë që të jetë e gatshme për bashkëpunim në zbardhjen e personave të zhdukur”,tha ai.
Hoti tha që po punohet që në Merdare ta kemi një pikë përkujtimore për 1.000 njerëz të riatdhesuar të cilët janë marrë vrarë dhe rivarrosur.
“Fatkeqësia jonë është që kemi të bëjmë me një shtet si Serbia. Ne mund të bëjmë presion që edhe SHBA dhe ata të kushtëzojnë Serbinë që ata të bashkëpunojnë me ne lidhur me çështjen e personave të zhdukur. Ne kemi mbi 1 000 persona të zhdukur. Kosova në vazhdimësi kërkon hapjen e arkivave në serbi por një çështje e tillë është kogja e vështirë. Ne jemi duke punuar që në Mendare ta kemi një pikë përkujtimore sepse janë riatdhesuar 1.000 njerëz tanë që janë marrë janë vrarë rivarros”, deklaroi Hoti. /InLajmi/
