Nënkryetari i komunës së Prishtinës nga Aleanca Kosova e Re-ja, Selim Pacolli tha që gjatë kësaj fushate zgjedhore disa media e kanë anashkaluar kandidatin e kësaj partie për kryetar të Prishtinës, Gëzim Mehmetin, raporton InLajmi.
Pacolli tha që janë publikuar disa sondazhe të rreme në disa media që sipas tij kanë bërë shkeljen e neneve kushtetuese.
“Për kandidatin e komunës është vërejtur se disa media bëjnë shkelje duke anashkaluar kandidatin Gëzim Mehmeti. Janë publikuar edhe sondazhe të rreme. Sipas monitorimeve shkelje të tilla janë konstatuar në disa media si T7, Dukagjini, Periskopi, Ballkan.info. Me sjelle të tilla është bërë edhe shkelje e neneve kushtetuese. Sipas Kushtetutës përcaktohet mbulimi i fushatës nga mediat”, tha Pacolli.
Kandidati për kryetar të komunës së Prishtinës, Gëzim Mehmeti, tha që kanë përgaditur një ankesë për shkelje të ligjit zgjedhor.
“Organet kompetente duhet të reagojnë. Dhe kemi përgatitur një ankesë për shkelje të ligjit zgjedhor. Do t’i drejtohemi Këshillit të pavarur të mediave dhe KQZ-së. Në rast se nuk do të ketë ballafaqim atëherë kemi diçka që sepse respektojmë qytetarët e Prishtinës. Nuk kemi çka të fshehim para qytetarëve sepse meriton njerëz transparentë ”, tha Mehmeti./InLajmi/
