Një ish –punonjëse e Facebook u ka thënë ligjvënësve amerikanë se faqet dhe aplikacionet e kompanisë “dëmtojnë fëmijët, nxisin ndarjen dhe dobësojnë demokracinë”, transmeton InLajmi.
Frances Haugen, një ish-menaxhere 37-vjeçare , kritikoi rëndë kompaninë në një seancë dëgjimore në Capitol Hill.
Ndërsa, themeluesi Mark Zuckerberg u përgjigj, duke thënë se akuza e fundit pikturon një “pamje të rreme” të kompanisë.
Në një letër drejtuar stafit, ai tha se shumë nga pretendimet “nuk kanë kuptim”, duke treguar përpjekjet e tyre në luftimin e përmbajtjes së dëmshme, krijimin e transparencës dhe krijimin e “një programi kërkimor drejtues në industri për këto çështje të rëndësishme”.
“Ne kujdesemi shumë për çështje si siguria, mirëqenia dhe shëndeti mendor,” tha ai në letrën, bërë publike në faqen e tij në Facebook. “Është e vështirë të shihet një mbulim që keqpërfaqëson punën tonë dhe motivet tona.”
Facebook është faqja më e popullarizuar e mediave sociale në botë. Kompania thotë se ka 2.7 miliardë përdorues aktivë mujorë. Qindra miliona njerëz përdorin gjithashtu produktet e tjera të kompanisë, përfshirë ËhatsApp dhe Instagram, shkruan BBC.
Por është kritikuar për gjithçka, nga dështimi për të mbrojtur privatësinë e përdoruesve e deri te mos ndalimi i përhapjes së dezinformatave./InLajmi/
