Kryetari i Deçanit njëherësh, kandidat për një mandat të radhës, Bashkim Ramosaj është takuar me familjarët e dëshmorëve të UÇK-së, përcjell InLajmi.
Ai ka thënë se është nder dhe përgjegjësi te jetë para tyre dhe të ketë besimin e tyre.
Ramosaj ka falenderuar nga zemra kreun e AAK-së, Ramush Haradinaj I cili ka pritur këta familjarë në konakun e tij.
Ramosaj sërish është zotuar se nuk do të ndalet derisa të realizoj vizionin e përbashket për një qytet të zhvilluar dhe kryeqytet të turizimit.
Postimi i plotë i tij:
Nuk ka nder më të madh, se të jesh para tyre, e akoma më nder dhe përgjegjësi të kesh besimin e tyre!
I nderuar të jem në mesin e familjeve të dëshmorëve, invalidëve dhe veteranëve të luftes së shenjtë të UÇK-së!
Historia më e re dhe më e lavdishme, është shkruar me luftën dhe sakrificën e këtij brezi që solli lirinë dhe pavarësinë!
Faleminderit nga zemra për mikëpritjen në konakun tuaj Komandati më i sukseshëm i UÇK-së, ju që ju pritë trimave të Dukagjinit e Kosovës për Liri, ish-Kryeministër, e Lideri ynë z.Ramush Haradinaj!
Faleminderit nga zemra gjithësecilit nga ju!
Zotohem, që nuk kam me u ndalë në rrugën tonë, për zhvillimin dhe ndërtimin e qytetit dhe komunës së Deçanit, ashtu siç është vizioni dhe misioni ynë i përbashkët, për një qytet të zhvilluar, me perspektivë të kjartë dhe kryeqytet të turizmit në Kosovë!
Lavdi luftës dhe sakrificës së UÇK-së!
Faleminderit përjetësisht që e sollët lirinë!
#PërDeçaninSkaMeUndal.
#AAK121.BR/InLajmi/
