Shërbimet e mediave sociale Facebook, WhatsApp dhe Instagram kanë rifilluar funksionimin pas një ndërprerje që zgjati gati 6-të orë, transmeton InLajmi.
Kompania Facebook, ka zbuluar shkakun e ndërprerjes duke fajësuar një çështje të brendshme teknike, e cila jo vetëm që preku shërbimet e Facebook -ut, por thuhet se edhe lejet e punës së punonjësve dhe postën elektronike.
Por kompania tha se nuk kishte “asnjë provë që të dhënat e përdoruesve ishin komprometuar”.
Në një deklaratë, Facebook tha se ndryshimi i gabuar i konfigurimit ndikoi në mjetet dhe sistemet e brendshme të kompanisë, të cilat ndërlikuan përpjekjet për të zgjidhur problemin.
Doëndetector, i cili gjurmon ndërprerjet, tha se janë raportuar rreth 10.6 milion probleme në të gjithë botën, shkruan BBC.
Themeluesi i Facebook Mark Zuckerberg u ka kërkuar falje atyre që u preken nga ndërprerja./InLajmi/
