Një avioni i vogël dyshohet se është rrëzuar në livadhet e Vermoshit në veri të vendit pasi ka pësuar defekt.
Tvklan.al ka siguruar fotot nga vendngjarja të avionit të vogël të rrëzuar në pistë.
Sipas burimeve nga vendi i ngjarjes dhe informacioneve paraprake, mësohet se avioni ka tentuar të ngrihet në fluturim dhe ka dështuar, duke u rrëzuar sërish në pistë. Rreth e rrotull vendit shihen pjesë të shpërndara të avionit të vogël.
Nuk dihet nëse ka persona të lënduar, por dyshohet se ata janë larguar prej andej me një automjet. Në vendin e ngjarjes kanë shkuar forcat e Policisë së Malësisësë Madhe.
