Për gjithë situatën e krijuar në veri u kërkua nga opozita që të mbahet një mbledhje e jashtëzakonshme në Kuvendin e Kosovës.
Deputeti i Lëvizjes Vetëvendosje, Eman Rrahmani, ka thënë në një intervistë për Sytë 7 që nëse opozita e shohin të arsyeshme ata do të jenë “aty për të diskutuar dhe debatuar”.
“Është shumë e rëndësishme që më në fund të kemi një reciprocitet me Serbinë – ku deri tash Serbia na ka trajtuar jo si pjesë të barabartë por si të nënshtruar ndaj Serbisë”.
“Tash e tutje kanë filluar të ndryshojnë gjërat dhe qytetarët si do të trajtohen nga shteti i Serbisë ashtu do të trajtohen edhe qytetarët serbë nga shteti i Kosovës”, u shpreh ai.
Tutje Rrahmani foli edhe për angazhimet e mazhorancës në sesionin vjeshtor.
“Pritet një angazhim edhe më i madh, pasi kanë filluar ndryshimet dhe përgatitja për ecurinë e ligjeve të reja që kanë mbetur për shumë vite duke pritur. Tashmë besojmë që do të ecin më shpejt dhe më mirë dhe do të kemi ligje që kanë mbetur në sirtar tash e sa vite e të cilat do të kalojnë”, tha ai.
