2 shkencëtarë amerikanë fituan çmimin Nobel për mjekësi të hënën mbi zbulimet e tyre në mënyrën se si trupi i njeriut percepton temperaturën dhe prekjen, transmeton InLajmi.
Këto zbulime mund të çojnë në mënyra të reja të trajtimit të dhimbjes apo edhe sëmundjeve të zemrës.
Amerikanët David Julius dhe Ardem Patapoutian identifikuan receptorët në lëkurë që i përgjigjen nxehtësisë dhe presionit. Puna e tyre është e fokusuar në fushën e somatosensacionit, e cila eksploron aftësinë e organeve të specializuara si sytë, veshët dhe lëkura për të parë, dëgjuar dhe ndjerë.
Komiteti tha se Julius, i cili ka lindur në Nju Jork dhe tani punon në Universitetin e Kalifornisë në San Francisko, përdori kapsaicin, përbërës aktiv në specat djegës, për të identifikuar sensorët nervorë që lejojnë lëkurën t’i përgjigjet nxehtësisë, njofton AP.
Ndërsa, Patapoutian, i cili ka lindur në Liban dhe tani punon në Institutin Kërkimor Scripps në La Jolla, California, gjeti sensorë të veçantë të ndjeshëm ndaj presionit në qelizat që i përgjigjen stimulimit mekanik./InLajmi/
