Kryetari i Deçanit, Bashkim Ramosaj ka vizituar Kompaninë Regjionale të Ujësjellësit “HidroDrini” , përcjell InLajmi.
Ramosaj njoftoi se ka takuar stafin menaxhues dhe punonjësit e kompanisë, duke thënë se ka përkushtim maksimal, që kjo kompani të “pavarësohet” nga regjioni i Pejës.
Ai shtoi që ka nisur procedurat ligjore për pavarësimin e saj duke shpresur që të mos ketë pengesa nga Qeveria.
Postimi i plotë i tij:
Kam vizituar dhe takuar stafin menaxhues dhe punjonësit e njësisë së Komanisë Regjionale të Ujësjellësit “HidroDrini” në Deçan.
E kam bërë të qartë mesazhin tim, vizionin tim dhe përkushtimin tim maksimal, që kjo njësi të “pavarësohet” nga Regjioni i Pejës dhe të shëndrrohet në Kompani Komunale. Sepse vetëm kështu mund të ju garantojmë qytetarëve menaxhim efikas dhe shërbime e furnizim të rregullt, cilësorë dhe pa ndërprerje me ujë të pijes, gjithë qytetarëve, në gjithë teritorin e komunës sonë!
Është e padrejtë, që përkundër resurseve të mëdha natyrore të ujit të pijes, qytetarët e komunës tonë, të mos kenë furnizim të mjaftueshëm dhe me kualitetin që duhet të ketë uji i pijes, përkundër përkushtimit të komunës së Deçanit!
I njoftova që kam filluar të gjitha procedurat ligjore e administrative për pavarësimin e kësaj kompanie, dhe uroj të mos kemi pengesa nga Ministrita e linjës së Qeverisë së Kosovës, në mënyrë që, kompetencat menaxhuese dhe vendimmarrëse për këtë kompani, t’i takojnë Komunës së Deçanit!
Do t’i qëndrojmë besnik motos tonë:
#PërDeçaninSkaMeUndal.
Qytetari në rend të parë!
Dhe nuk do të ndalemi deri sa ta realizojmë, që qytetarët të kenë ujë 24 orë në të gjithë teritorin e Deçanit! BR./InLajmi/
