Ministrja e Arsimit, Arbërie Nagavci, ka njoftuar kjo ministri do të ndajë 200.000 euro për organizata joqeveritare, përcjell InLajmi.
Këro mjete do të përdoren nga organizatat të cilat mbështesin fëmijët me aftësi të kufizuara, me IQ të jashtëzakonshme si dhe për nxënës me talente që kanë nëvojë për mbështetje, tha ajo.
Nagavci ka ftuar të gjitha OJQ-të që të aplikojnë në këtë thirrje me projektet e tyre.
Postimi i plotë i saj:
Angazhimi ynë për nxënësit do të jetë i vazhdueshëm dhe nuk do të ndalet.
Për të përkrahur e promovuar nxënësit me aftësi të kufizuara, nxënësit me IQ të jashtëzakonshme, talente dhe dhunti si dhe nxënësit që kanë nevojë për mbështetje psikosociale, kemi hapur thirrje publike për ofrimin e mbështetjes financiare për financimin e projekteve të OJQ-ve që punojnë në këto fusha.
Vlera totale e kësaj thirrje do të jetë 200,000.00 euro. OJQ-të mund të aplikojnë me projektet e tyre për fushat prioritare si:
-Qasje profesionale në edukim gjithëpërfshirës në fëmijërinë e hershme për fëmijët me aftësi të kufizuara,
-Ngritja e kapaciteteve për identifikimin dhe përkrahjen e fëmijëve/nxënësve me aftësi të jashtëzakonshme, talente dhe dhunti,
-Krijimi i ambienteve tё sigurta dhe mike nё shkolla, ku fёmijёt ndihen tё mbёshtetur pёr t`u pёrballur me problemet e ndryshme sociale.
Ftoj të gjitha OJQ-të e interesuara që të aplikojnë në këtë thirrje./InLajmi/
