Yjet kryesorë të mediave sociale përfshirë Kim Kardashian, Justin Bieber dhe Charli D’Amelio janë ndër të famshmit ndjekësit e të cilëve në Instagram përjetojnë ndjenja më negative për imazhin e tyre për veten, sipas hulumtimit të brendshëm të Facebook të zbuluar nga Wall Street Journal këtë javë, transmeton InLajmi.
Ky zbulim ngrit pyetjen në lidhje me ndikimin e kulturës së të famshmëve në internet.
Gazeta ka publikuar të mërkurën kërkimet e Facebook, të cilat shërbyen si bazë e artikujve të botuar në fillim të këtij muaji, duke thënë se Facebook e dinte që aplikacionet e tij dëmtonin shëndetin mendor të disa vajzave adoleshente dhe përdoruesve të rinj.
Hulumtimi, i titulluar “Krahasimi social në Instagram”, anketoi 100.000 njerëz në Mars dhe Prill 2020 në 9-të vende, përfshirë Shtetet e Bashkuara, Australinë dhe Brazilin.
Zëdhënësi i Facebook, Kevin McAlister tha se të anketuarve në sondazh nuk iu kërkua të emërtonin llogari të veçanta, por studiuesit zbuluan se llogaritë e personazheve të famshëm ishin “disa nga llogaritë më të shpeshta të shikuara për njerëzit që thanë se kishin nivele më të larta ose më të ulëta të krahasimit social negativ në Instagram,”.
Studimet e Facebook zbuluan se të shohësh më shumë përmbajtje të famshmëve në Instagram ishte e lidhur ngushtë me një krahasim më negativ, përcjell Reuters.
Pothuajse gjysma e përmbajtjes që njerëzit shohin në Instagram vjen nga njerëz të famshëm, tregoi hulumtimi./InLajmi/
