E dashura kubaneze e Diego Maradonës, Mavys Alvarez, ka rrëfyer një histori të trishtë me të ndjerin që ndodhi kur ishte 16-vjeçe.
Ajo ka thyer heshtjen dhe tregoi se si ishte marrëdhënia e saj me Diez kur ishte vetëm 16-vjeçe dhe argjentinasi rreth 40-vjeç.
Gruaja tani ka folur duke treguar momentin kur i dha asaj kokainë e po ashtu edhe për vështirësitë për të dalë nga varësia.
“Unë u përpoqa, por nuk munda të dilja. Ishte një spirale. Kur hoqa dorë nga droga, kalova në alkool”, rrëfeu Mavys, tani 37-vjeçe, në bashkëbisedim me Mario J.Penton në America TeVe.
E njëjta zbuloi se ylli i futbollit ia mësoi drogën ndërsa shtoi, “Është e vështirë të flasësh për këtë para kamerës, vërtet. Diego më mësoi drogën, isha akoma 16-vjeçe, nuk kisha mbushur 17”.
Duhet mbajtur mend se Maradona udhëtoi për në Kubë për të detoksifikuar nga varësitë e tij nga droga dhe ishte në La Pradera, një qendër rehabilitimi. Atje, Mavys kaloi gati 3 vjet me futbollistin.
Si pasojë, ajo pranoi se në atë kohë ra në varësi, nga të cilat ishte e vështirë për të të dilte, dhe konsideroi se ky ishte ‘gabimi më i madh’ i jetës së saj.
“Ishte shumë e vështirë të kontrolloja varësinë time, përmes shumë halucinacioneve, erdhi një pikë ku unë kalova disa orë në spital sepse u dehidratova, dhe as nuk mund të ngrihesha nga shtrati për të shkuar në tualet”.
Alvarez më tej ka rrëfyer edhe ndërhyrjen që Diego i kërkoi ta bënte për të zmadhuar gjoksin.
“I thashë jo sepse kisha frikë se do të shkonte keq ose do të kishte një infeksion ose diçka dhe më pas ai vendosi ta bënte atë”, transmeton Telegrafi.
Në këtë mënyrë, “Unë shkova për 20 ditë dhe isha atje për afro dy muaj e gjysmë. Ishte mirë të njihja një vend tjetër, por ishte një fazë shumë e vështirë për mua”.
