Ministrin i Brendshëm të Austrisë, Karl Nehammer, në konferncën e mbajtur me Xhelal Sveçlën, ka folur për gjendje në veri, raporton InLajmi.
Nehammer, ka bërë thirrje për vigjilencë, duke shtuar institucionet kosovare po veprojnë në mënyrë të kujdesshme e pozitive në këtë situatë.
“Operacioni politik bëhet në vigjilencë të shtruar dhe kam lutur që të vazhdohet në këtë mënyrë pasi detyra e policëve është e vështirë”.
“… ne po krijojmë qartësi për të ardhmen e Kosovës dhe për këtë projekt nevojiten partnerë mirëpo në njërën anë është duke u zbatuar aksioni në mënyrë pozitive, ndërsa ku po zhvillohen protesta”.
“Pala kosovare po vepron me kujdes edhe pse nuk e kanë detyrën e lehtë, prandaj mendoj unë që ajo që po bëhet tani është rruga e saktë dhe jo e shpejtë”.
Ministri austriak shtoi se dhuna nuk është mjet politik, dhe se nuk duhet provokuar nga këto situate, e poashtu e ka përgëzuar Qeverinë e Kosovës, duke thënë se po e ruan qetësinë.
“Dhuna nuk është mjet politikë. Në fazën që ndodhemi tani unë mund të përsëris që procesi po ec mirë, mirëpo më e rëndësishmja në situata të tilla është që mos të provokohemi dhe këtë qetësi është duke e ofruar Qeveria e Kosovës”.
Nehammer në fund tha se Kosova është partner konstruktiv i Austrisë.
“Për mua personalisht është nder që jam këtu, Kosova është për Austrinë një partner i qenësishëm nëse bëhet fjalë për të luftuar krimin dhe trafikimin. Ne kemi biseduar sot që këtë bashkëpunim ta zhvillojmë edhe në nivelin e Policisë edhe më tej”.
“Përpos kësaj kemi biseduar edhe për gjendjen e migrimit që është sfidë për Austrinë, e ftova Qeverinë e Kosovës së bashku me kryesuesin slloven të këshillit që ta organizojmë së bashku një konferencë të rikthimit”/InLajmi/
