Zyrtari i Lidhjes Demokratike të Kosovës, Gani Geci, pas zhvillimeve në veri të vendit, është shprehur se ai nuk është ushtar i Kryeministrit Albin Kurti, por se është në dispozicion të bëhet ushtar i Qeverisë së Kosovës, përcjell InLajmi.
Geci përmes një postimi në Facebook, ka thënë se edhe pse është 23 vjet më i vjetër se ishte në kohën e UÇK-së, ai është gati të jetë ushtar i Kosovës, pa marrë parasysh se kush është në Qeveri.
Postimi i plotë i tij:
Të dashur miq, në vitin 1998 në një takim me disa krerë të UÇK-së, në fshatin Rezall kam pas deklaruar haptas se unë nuk jam ushtar i Bujar Bukoshit, por jam ushtar i Qeverisë së Republikës së Kosovës dhe vendit tim edhe pse tani jam rreth 23 vite më i vjetër po e përseris të njejtën. ”Unë nuk jam ushtar i Albin Kurtit, por jam në dispozicion të bëhem ushtar i Qeverisë së Republikës së Kosovës pra vendit tim pa marr parasysh se kush është në Qeveri./InLajmi/
