Ambasadori i Gjermanisë në Kosovë Jorn Rohde ka reaguar rreth situatës në veri të Kosovës.
Rohde tha se situata në veri duhet të qetësohet.
“Situata në veri ka nevojë për deeskalim. Unë i bëj thirrje të dyja palëve që të flasin me njëra-tjetrën në vend se të fajësojnë njëri-tjetrin. Mënyra më e mirë: Takohuni në Bruksel për të gjetur një rrugëdalje sa më shpejt të jetë e mundur”.
https://twitter.com/GermanAmbKOS/status/1442080039852466177
Për situatën në Jarinjë dhe Bërnjak ka folur edhe drejtoresha për Ballkanin Perëndimor në Ministrinë e Jashtme të Gjermanisë Susanne Schutz.
Schutz ka thënë se çdo provokim në kufirin Kosovë-Serbi duhet të ndalet, përcjell Klan Kosova.
“Çdo provokim në kufirin mes Kosovës dhe Serbisë duhet të ndalet. Ne i bëjmë thirrje të dyja palëve që të deeskalojnë dhe të takohen sa më shpejt të jetë e mundur. Mbështetje e plotë nga Bashkimi Evropian Miroslav Lajcak, Josep Borrell”.
https://twitter.com/GERonWEB/status/1442078348252000258
