Presidentja Osmani po qëndron në vizitë zyrtare në SHBA, përcjell InLajmi.
Ajo ka njoftuar se në ditën e 4-të të vizitës së saj është takuar me kryeministrin e Luksemburgut, Xavier Bettel dhe me ministrin e Jashtëm të Hungarisë, Peter Szijjarto.
“Në ditën e katërt të qëndrimit në Shtetet e Bashkuara, në margjinat e Asamblesë së Përgjithshme të OKB-së, vazhduam takimet me personalitete të rëndësishme ndërkombëtare.
Takova kryeministrin e Luksemburgut, Xavier Bettel, i cili na e rikonfirmoi mbështetjen e Luksemburgut për liberalizimin e vizave dhe për perspektivën evropiane të vendit tonë.
Me ministrin e Jashtëm të Hungarisë, Peter Szijjarto biseduam për thellimin e bashkëpunimit. Çmuam raportet e mira ndërmjet dy vendeve dhe theksuam se lidhjet mes popujve tanë janë të hershme dhe përkojnë me synimet e popujve tanë për t’i mbrojtur dhe promovuar vlerat evropiane.
Poashtu dje takova ambasadorin Frank Visner, të cilin e falënderova për kontributin e tij për Kosovën, si dhe shkëmbyem ide për përparimin e mëtejmë të vendit tonë.
Me pas takova presidentin e Malit të Zi, Millo Gjukanoviq dhe kryesuesin e Presidencës së Bosnjës dhe Hercegovinës, Zhelko Komshiq, me të cilët biseduam për të ardhmen e përbashkët evropiane të shteteve tona dhe sfidat me të cilat po përballet rajoni.
Poashtu u takova më Përfaqësuesen speciale të Kombeve të Bashkuara për çështje të gjenocidit.
Në mbrëmje u takuam me mërgatën tonë. Mërgata ishte pjesë përbërëse e jetësimit të ëndrrës për shtetin. Sot ajo është pjesë po kaq e rëndësishme e konsolidimit të tij.
Gjithnjë mirënjohëse për përkushtimin e tyre ndaj vendit.”, thuhet në shkrimin e Presidentes./InLajmi/
