Kryeministri Albin Kurti ka marr pjesë në takimin e parë Konstituiv të Komisionit Shtetëror për Dokumentimin e Shkatërrimit të Trashëgimisë Kulturore të Kosovës gjatë luftës 98/99, raporton InLajmi.
Në këtë takim Kurti ka thënë se trashëgimia kulturore është ndër burimet më të fuqishme të kulturës së vendit.
“Shkatërrimi masiv në zonat urbane dhe rurale, qindra xhami, kulla, ndërtesa tradicionale janë shkatërruar. Në gjykimet e tribunalit të Hagës, shkatërrime të tilla janë konsideruar si krim kundër njerëzimit. Tribunali ka dënuar 6 zyrtarë serbë. Pas afro 22 viteve për herë të patë kemi vendosur një hap për shkatërrimet e qëllimshme”, ka thënë Kurti.
Nga ana tjetër, Hajrullah Çeku, ministër i Kulturës ka thënë se para 22 viteve, përveç humbjeve të njerëzve janë shkatërruar qëllimshëm edhe monumentet kulturore.
“Shkatërrimi i qëllimshëm është konsideruar si krim. Ky komision është formuar me qëllim të hulumtimit regjistrim dhe dokumentim të trashëgimisë”, ka thënë ai. /InLajmi/
