Gjurmët e këmbëve të gjetura në New Mexico janë dëshmitë më të vjetra të njerëzve në kontinentet amerikane, transmeton InLajmi.
Gjurmët e këmbëve që u gjetën u përkisnin adoleshentëve dhe fëmijëve që jetonin mes 23.000 dhe 21.000 vjet më parë.
Sipas zbulimeve të reja, njerëzit arritën në Amerikë të paktën 7.000 vjet më herët sesa mendohej, temë kjo që ka qenë e diskutueshme për dekada të tëra.
Por, tani, një ekip që punon në New Mexico ka gjetur dhjetëra gjurmë njerëzore të datuara nga 23.000 deri në 21.000 vite më parë.
Zbulimi mund të transformojë pikëpamjet se kur u krijua kontinenti, duke sugjeruar se mund të ketë pasur migrime të mëdha për të cilat ne nuk dimë asgjë. Dhe ngre mundësinë që këto popullsi të mëparshme të mund të ishin zhdukur.
Gjurmët e këmbëve u formuan në baltë të butë në kufijtë e një liqeni të cekët, shkruan BBC.
Një ekip nga Shërbimi Gjeologjik Amerikan kreu datimin e radiokarbonit në gjurmët e gjetura gjë që konfirmoi mendimet e studiuesve për vjetërsinë e tyre./InLajmi/
