Kryetari i Prishtinës, Shpend Ahmeti, ka thënë se para së të ishte në krye të drejtimit të kryeqytetit ishin problem ndërtimet pa leje, tani janë problem sipas tij numri i madh i ndërtimeve me leje.
Ai në Rubikon të Klan Kosovës ka deklaruar se kjo është duke ndodhur si pasojë e Ligjit për Ndërtim në Kosovë që sipas tij është liberal dhe ai si kryetar i Prishtinës nuk ka të drejtën sipas ligjit t’ua ndalojë ndërtimet objekteve të cilat aplikojnë për leje dhe përmbushin kriteret.
“Ndërtimet pa leje i kemi ndalur, por Ligji i Ndërtimit në Republikën e Kosovës është kopje e Gjerogjisë dhe është shumë liberal, gjithkush ka të drejtë të aplikojë për ndërtim gjithkush mundët të ndërtojë, çmimi i ndërtimit shumë i lirë. Ne iu kthejmë përgjigje të gjithëve ashtu si është me ligj e përcaktuar shumë shpesh ka në leje telashe të cilat ne nuk mundemi t’i lëshojmë”.
“Planet rregullative për pesë vjet nuk mundesh me i prek, plani zhvillimor ka afatin tetë vjet që nuk mundesh me prek, ato janë gjëra që disa ka pasur mundësi t’i ndryshosh, por disa gjëra nuk ke pasur mundësi t’i ndryshosh, por të drejtën me ia ndalu dikujt për të ndërtuar nuk e kam”.
“Dallimi ka ndodh që vetëm e kemi pasë me 240 mijë metra katror në vit dhe ka vit sikurse në vitin e kaluar që kanë qetë me 800 mijë metra katror. Unë nuk e përcaktoj sa njerëz aplikojnë rregullat nuk ndryshojnë pra, unë mund të ketë probleme në planifikim, kam kërkuar që Prishtinën duhet ta stabilizojmë pak sepse ka hyrë investim shumë i madh. Nëse para meje kanë qenë problem ndërtimet pa leje, tani janë ndërtimet me leje. Kam thënë se tash duhet të stabilizojmë në tetë vitet e ardhshme sepse janë hyrë në disproporcionalisht më shumë pare në investim në ndërtim se sa që janë hyrë në infrastrukturë dhe këtë diskutim e kemi pasur në BSHK, ata kufizojmë numërim e metrave katror, ky diskutim është futur është në ministri besojë se do ta përcjellim tutje”, ka thënë Ahmeti.
