Kandidati i Partisë Demokratike të Kosovës në Prizren, Shaqir Totaj ka zhvilluar bashkëbisedim për transportin publik në objektin e Shoqatës transportuese të udhëtarëve “Kosova e Lirë”, përcjell InLajmi.
Sipas Totaj ky bjekt është oditur shumë nga kufizimet e mëdha të lëvizjes së lirë të njerëzve gjatë periudhës pandemike, ku ka thënë se gjatë bisedimit Totaj ka shkruar se ka kuptuar sfidat me të cilat përballën përfshirë kushtet e vështira të operimit, tollovia e madhe e udhëtarëve në stacionin e autobusëve dhe konkurrenca e egër e parregulluar.
Ai gjithashtu ka thënë se gjatë udhëheqjes së tij, komuna do të intervenojë drejtpërdrejt e në mënyrë të përgjegjshme për të rregulluar të gjitha problemet aktuale të transportit publik.
Postimi i plotë i tij:
Bashkëbisedimin për transportin publik e vazhdova në objektin e Shoqatës transportuese të udhëtarëve “Kosova e Lirë”, e cila është goditur shumë nga kufizimet e mëdha të lëvizjes së lirë të njerëzve gjatë periudhës pandemike. Nga biseda me udhëheqësit e Shoqatës kuptova sfidat me të cilat përballën përfshirë kushtet e vështira të operimit, tollovia e madhe e udhëtarëve në stacionin e autobusëve dhe konkurrenca e egër e parregulluar.
PDK ka zgjidhje konkrete për këto çështje. Gjatë udhëheqjes sime, komuna do të intervenojë drejtpërdrejt e në mënyrë të përgjegjshme për të rregulluar të gjitha problemet aktuale të transportit publik. Programi ynë qeverisës do të sigurojë transport publik efikas 24 orë, matës digjital në stacione e shërbime efikase për të gjithë banorët e komunës sonë. Bashkë për Prizrenin /InLajmi/
