Kryetari i komunës së Deçanit, Bashkim Ramosaj ka njoftuar për realizimin e disa projekteve në këtë komunë, përcjell InLajmi.
Ai përmes një postimi në Facebook, ka shkruar se ndihet i lumtur për realizimin e tyre, përfshirë projektin e shtratit dhe shëtitores të Lumbardhit në Deçan.
Ky ishte një premtim i Ramosaj i dhënë 4 vite më parë qëe tani u bë realitet.
Postimi i plotë i tij:
Përderisa të tjerët kanë fjalë, rrëfime e premtime boshe, unë ndihem më se i lumtur, si i pari i komunës me besimin tuaj qytetarë të dashur, të shohë nga afër realizimin e projekteve madhështore që përfundimisht i kanë dhënë pamje e prespektivë tjetër, pozitive zhvillimit të Deçanit!
Padyshim njëri nga këto projekte që i japin akoma më shumë identitet e bukuri komunës sonë, është projekti i shtratit dhe shëtitores së Lumbardhit të Deçanit! Premtim ky i imi, katër vite më parë, që u bë realitet!
Dhe skemi me u ndalë deri në përfundim!/InLajmi/
