Kabuli është një qytet që ende pret që jeta e re të marrë formë, shumë varet nga vullneti dhe tekat e liderëve të rinj talebanë. Por është uria ajo që mund të bëhet më e keqja nga krizat e shumta të Afganistanit, transmeton InLajmi.
Për të varfërit e qytetit sfida për të shmangur urinë është më e madhja.
Miliona jetojnë në varfëri të dëshpëruar në një vend që ka marrë shuma të mëdha ndihmë nga të huajt. Paratë e mbetura që mund t’i ndihmojnë ata, rreth 9 miliardë dollarë në rezervat e bankës qendrore, janë ngrirë nga amerikanët për t’i mbajtur ato larg nga talebanët.
Projektet e mëdha të ndërtimit në qytet janë ndalur. Bankat janë të mbyllura. Çezma e parave të huaja është mbyllur.
Një pjesë e vogël e punëtorëve të ndërtimit merren për punë. Pjesa tjetër janë të zemëruar, shkruan BBC.
Programi Botëror i Ushqimit ka vlerësuar se 93% e afganëve nuk kanë ushqim të mjaftueshëm për të ngrënë. Para se talebanët të merrnin kontrollin muajin e kaluar, numri ishte 80%./InLajmi/
