Partia e Presidentit rus Vladimir Putin ka fituar shumicën parlamentare pas zgjedhjeve të njollosura nga raportimet e mashtrimit, transmeton InLajmi.
Me pothuajse të gjitha votat e numëruara, partia Rusia e Bashkuar kishte fituar gati 50% të votave, duke shënuar një rënie të lehtë të mbështetjes nga zgjedhjet e mëparshme.
Kritikëve më të mëdhenj të Putinit iu ndalua të kandidojnë dhe pati raportime për mbushje të votave dhe votim të detyruar.
Komisioni zgjedhor rus hodhi poshtë pretendimet për parregullsi të përhapura.
Me më shumë se 99% të votave të numëruara, rivali më i afërt i Rusisë së Bashkuar, Partia Komuniste, kishte rreth 19% të votave, sipas komisionit zgjedhor, shkruan BBC.
Fitorja e Rusisë së Bashkuar do të thotë se do të ketë më shumë se 2/3 e 450 vendeve në parlamentin e vendit, thonë zyrtarët./InLajmi/
