Ministri i Punëve të Brendshëm, Xhelal Sveçla ka bërë të ditur se nga Kosova këtë të diele janë larguar edhe 51 qytetarë afganë, përcjell InLajmi.
Sipas Sveçles strehimi i tyre ishte i përkohshëm në Kosovë dhe tani ata kanë marë rrugë për në SHBA ku do të jenë të sigurtë.
Ai gjithashtu ka thënë se Qeveria e Kosovës, bashkë me NATO-n dhe Qeverinë e SHBA-ve, do të vazhdojë bashkëpunimin edhe më tutje, për të realizuar me sukses transferimin e qytetarëve afganë nga Kosova për në vendet e tjera.
Postimi i plotë i tij:
Sapo u përshëndetëm me 51 qytetarë afganë, të cilët i strehuam përkohësisht për disa javë në Republikën e Kosovës. Si pjesë e marrëveshjes me Qeverinë e Shteteve të Bashkuara të Amerikës, ata do të vazhdojnë rrugëtimin e tyre për një jetë më sigurt dhe më të mirë në SHBA.
Qeveria e Kosovës, bashkë me NATO-n dhe Qeverinë e SHBA-ve, do të vazhdojë bashkëpunimin edhe më tutje, për të realizuar me sukses transferimin e qytetarëve afganë nga Kosova për në vendet e tjera.
Jemi të përkushtuar për një shoqëri demokratike dhe që bashkë me aleatët tanë të ndihmojnë në ndërtimin e paqes dhe stabilitet në rajon dhe më gjerë. /InLajmi/
