Kandidati i PDK-së për kryetar të Prizrenit Shaqir Totaj, ka takuar sot të rinjtë prizrenas të lagjes “Bajram Curri”, përcjell InLajmi.
Në këtë takim është diskutuar për shumë probleme që kanë këta banorë të kësaj lagjeje, ku Totaj ka premtuuar se ardhjen në pushtet në Prizren do të ketë shumë projekte që lehtësojnë jetesën e tyre.
Postimi i plotë i tij:
Rinia është e ardhmja e Prizrenit. Prandaj, investimet për ta nuk do të mungojnë. Në takimin e përzemërt me rininë e lagjes “Bajram Curri”, i sigurova se qeverisja ime do të ndërtojë më shumë terrene sportive e zona të gjelbëra ku do të ushtrojnë aktivitetet sportive e rekreative. Brenda mandatit të parë do të rifunksionalizojmë Qendrën Rinore e do të themelojmë Fondin Rinor për t’i mbështetur të rinjtë në projektet e tyre.
Si kryetar i ardhshëm i Prizrenit, e kam planin konkret për regullimin e trafikut urban për këtë lagje të rëndësishme të qytetit. Gjithashtu, do t’i japim fund degradimit infrastrukturor të keq qeverisjes së Haskukës duke i realizuar të gjitha projektet e nevojshme infrastrukturore që lehtësojnë jetesën banorëve. Bashkë për Prizrenin/InLajmi/
