Një 3-she astronautësh kinezë u kthyen në tokë të premten pas një qëndrimi 90-ditor në stacionin e parë hapësinor të kombit të tyre në misionin më të gjatë të Kinës deri më tani, transmeton InLajmi.
Nie Haisheng, Liu Boming dhe Tang Hongbo u ulën në anijen kozmike Shenzhou-12 pak pas orës 1:30 pasdite, pasi zbritën nga stacioni hapësinor të enjten në mëngjes.
3 astronautët dolën rreth 30 minuta më vonë dhe u ulën në karrige të shtrirë pak jashtë kapsulës për t’u dhënë atyre kohë për t’u përshtatur me gravitetin e Tokës pas 3 muajsh jetese në një mjedis pa peshë.
“Me forcën në rritje të Kinës dhe rritjen e nivelit të teknologjisë kineze, unë besoj me vendosmëri se do të ketë edhe më shumë astronautë që do të vendosin rekorde të reja,” tha komandanti i misionit.
Pasi u nisën më 17 Qershor, 3 astronautët dolën në 2 shëtitje në hapësirë, vendosën një krah mekanik 10 metra dhe patën një video thirrje me udhëheqësin e Partisë Komuniste Xi Jinping, shkruan AP.
Ndërsa pak detaje janë bërë publike nga ushtria kineze, e cila drejton programin hapësinor, 3-she të astronautëve pritet të sillen në misione 90-ditore në stacion gjatë 2 viteve të ardhshme për ta bërë atë plotësisht funksional./InLajmi/
