Ministria e Shëndetësisë edhe njëherësh u ka rikujtuar qytetarëve të Kosovës së vaksinimi kundër koronavirusit do të vazhdojë edhe ditëve të vikendit, pra gjatë të shtunës dhe të dilles, përcjell InLajmi.
Sipas Ministrisë së Shëndetësisë ka mjaftë termine të lira për vaksimin andej i’u bënë thirrje qytetarëve që të aplikojnë.
Sipas vendimeve të mëhershme të MSh, në Kosovë mund të vaksinohen personat e moshës mbi 16 vjeç si dhe fëmijët e moshës 12-15 vjeçe me indikacione mjekësore, këta të fundit me vaksinën PfizerBioNTech
“Duke u bërë thirrje që krahas vaksinimit të zbatohen masat në fuqi kundër COVID-19, MSh rithekson rëndësinë e vaksinimit si mënyrën më efikase për të parandaluar përhapjen e mëtejme të COVID-19 dhe për të evituar shtrimet e qytetarëve të tjerë në spitale nga format e rënda të COVID-19 dhe për të ulur numrin e rasteve të vdekjeve nga COVID-19”, thuhet në njoftimin e MSH-së. /InLajmi/
