Policia e Kosovës ka bërë të ditur se janë arrestuar 5 persona për sulme fizike, përcjell InLajmi.
Në raportin 24-orësh thuhet se 2 raste të sulmit fizik janë raportuar në Prishtinë dhe një në Lipjan.
Në këto raste të lënduarit janë dërguar për trajtim mjekësor, ndërsa sulmuesit janë dërguar në mbajtje.
Njoftimet e plota të Policisë së Kosovës:
Prishtinë, 14.09.2021 – 19:30. Me 15.09.2021 viktima mashkull kosovar (i mitur) ka njoftuar se, pas një mosmarrëveshje është sulmuar fizikisht nga i dyshuari mashkull kosovar. Viktima ka pranuar trajtim mjekësor ndërsa i dyshuari është intervistuar dhe me vendim të prokurorit, rasti shkon në procedurë të rregullt.
Lipjan, 14.09.2021 – 22:32. Janë arrestuar tre të dyshuar meshkuj të huaj, pasi që të njëjtit kishin sulmuar fizikisht viktimën mashkull i huaj. Viktima ka pranuar tretman mjekësor, ndërsa të dyshuarit pas intervistimit me vendim të prokurorit dërgohen në mbajtje.
Prishtinë , 15.09.2021-17:20. Është arrestuar i dyshuari mashkull kosovar pasi që i njëjti në bashkëveprim me të dyshuarin tjetër mashkull kosovar e kanë sulmuar fizikisht viktimën mashkull kosovar si dhe i kanë dëmtuar veturën. Viktima ka pranuar trajtim mjekësorë në QKUK ndërsa i dyshuari pas intervistimit me vendim të prokurorit është dërguar në mbajtje./InLajmi/
