Praktika e gjuetisë së delfinëve në Ishujt Faroe është vënë nën kontroll pasi më shumë se 1.400 delfinë u vranë në atë që u cilësua një kapje rekord, transmeton InLajmi.
Rrjeta për kapjen e delfinëve u hodh në fiordin më të madh në territorin e Atlantikut të Veriut të dielën, ku varkat i futën në ujëra të cekët në plazh, e më pas u vranë me thika.
Kufomat e delfinëve u tërhoqën në breg dhe iu shpërndanë vendasve për konsum.
Pamjet e gjuetisë tregojnë delfinët që përplasen në ujërat e kuq nga gjaku ndërsa qindra njerëz shikojnë nga plazhi.
I njohur si grind apo gjuetia e gjitarëve të detit, kryesisht balenave, është një traditë që është praktikuar për qindra vjet në Ishujt e largët Faroe.
Qeveria Faroese thotë se rreth 600 balena pilot kapen mesatarisht çdo vit. Delfinët kapen në numër më të ulët, të tillë si 35 në 2020 dhe 10 në 2019.
Përkrahësit thonë se gjuetia e balenave është një mënyrë e qëndrueshme për të mbledhur ushqim nga natyra dhe një pjesë e rëndësishme e identitetit të tyre kulturor, shkruan BBC.
Ndërsa, aktivistët për të drejtat e kafshëve nuk janë pajtuar prej kohësh, duke e konsideruar masakrën mizore dhe të panevojshme./InLajmi/
