Kreu i AAK-së, Ramush Haradinaj ka vizituar një nga luftëtarët e UÇK-së të Zonës Operative të Dukagjinit, Gani Mehmetaj, përcjell InLajmi.
Ai përmes një postimi në Facebook ka shkruar se Ganiu i cili vuan nga një sëmundje, bashkë me familjen e tij kanë ndihmuar me strehë e ushqim luftëtarët e tjerë të UÇK-së.
Haradinaj ka shtuar se Ganiu dhe mijëra luftëtarë të tjerë janë arkivi që ruajnë kujtimet e ditëve të lavdisë.
Postimi i tij i plotë:
Baca Gani me pushkë në krah, bashkë me familjen e tij, strehuan, ushqyen, lanë e ndërruan luftëtarët e lirisë, me respekt e dashuri sikur të ishin fëmijët e tyre.
Derisa ai lëngon tash e sa muaj, duke u përballur me vdekjen, sytë e tij ruajnë shkëlqimin e luftëtarit.
Ganiu dhe mijëra bashkëluftëtarë janë arkivi që ruan kujtimet e ditëve të lavdisë. Storiet e tyre do të mbesin të gjalla dhe do të bartin heroizmin e Ushtrisë Çlirimtare të Kosovës dhe atdhedashurinë brez pas brezi.RH/InLajmi/
