Pas arrestimit të djeshëm nga autoritetet serbe të Edin Vranje në territorin e Serbisë nën dyshimet për krime të supozuara lufte, reagime të shumta pasuan ndaj Serbisë, përfshi edhe për krime të supozuara lufte.
Siç ka mësuar portali Klix.ba, ministrja e Punëve të Jashtme në Bosnje dhe Hercegovië, Bisera Turkoviç, ftoi ambasadoren Aida Smajić nga Beogradi për konsultime urgjente në selinë e ministrisë në Sarajevë.
Edin Vranje ishte ish-zyrtar i lartë i Administratës së Policisë Federale (FUP) në Bosnjë.
Më herët, kreu i Presidencës së Bosnjës, Zheljko Komsiç dhe një anëtar i këtij institucioni, Sefik Xhaferoviç, reaguan ndaj lëvizjes së autoriteteve serbe pas arrestimit të Vranjes.
Ata thanë se kjo përfaqëson një seri persekutimesh të llogaritura të qytetarëve të Bosnjës dhe Hercegovinës nga autoritetet serbe, duke abuzuar me parimin e juridiksionit universal në ndjekjen penale të krimeve të luftës, transmeton Gazeta Express.
Ministria e Brendshme serbe lëshoi një deklaratë në lidhje me arrestimin e Vranjes, duke thënë se shtetasi i BiH ishte i dyshuar për krime lufte kundër të burgosurve të luftës në zonën Gorazde nga janari 1993 deri në tetor 1994.
