Ministria i Mbrojtjes, Armend Mehaj ka bërë të ditur se me vizitë zyrtare do të qëndroj 3 ditë në Mbretërinë e Bashkuar, përcjell InLajmi.
Mehaj ka bërë të ditur se gjatë kësaj vizite do të pritet nga Ministrja e Shtetit në Ministrinë e Mbrojtjes së Mbretërisë së Bashkuar, Baronesha Goldie DL, me të cilën së bashku do të nënshkruajmë Memorandumin e Bashkëpunimit Bilateral të Mbrojtjes.
Ai gjithashtu ka thënë se do të takohet me autoritetet më të larta në Drejtorinë e Politikave të Mbrojtjes të Ballkanit Perëndimor në Mbretërinë e Bashkuar dhe Drejtorinë e Integrimit Euro-Atlantik.
Postimi i tij i plotë:
Sot, me ftesë zyrtare, udhëtoj për vizitë treditore në Mbretërinë e Bashkuar.
Gjatë kësaj vizite, do të pritem nga Ministrja e Shtetit në Ministrinë e Mbrojtjes së Mbretërisë së Bashkuar, Baronesha Goldie DL, me të cilën së bashku do të nënshkruajmë Memorandumin e Bashkëpunimit Bilateral të Mbrojtjes.
Gjithashtu, do të takohem me autoritetet më të larta në Drejtorinë e Politikave të Mbrojtjes të Ballkanit Perëndimor në Mbretërinë e Bashkuar dhe Drejtorinë e Integrimit Euro-Atlantik.
Pastaj do të vizitoj edhe Qendrën e Luftërave Tokësore, Qendrën e Trajnimit Taktik të Komandës dhe Shtabit, Shkollën e Armëve të Specializuara, Divizionin e Zbulimit dhe Taktikave, Qendrën e Koleksionit të Armëve të Këmbësorisë, ndër të cilat përveç takimeve me autoritetet udhëheqëse do të takoj edhe kadetët dhe oficerët tanë që janë aktualisht duke u trajnuar në këto qendra.
Përkundër agjendës së ngjeshur, do të takoj edhe përfaqësuesit e diasporës sonë dhe stafit diplomatik në Mbretërinë e Bashkuar.
Vizita në Mbretërinë e Bashkuar, është shumë e rëndësishme në procesin e ngritjes së aftësive dhe kapaciteteve operacionale ushtarake të FSK-së dhe dëshmon fuqishëm partneritetin shumë të fortë me Ministrinë e Mbrojtjes dhe Forcave të Armatosura të Mbretërisë së Bashkuar që do të intensifikohet edhe më shumë me Memorandumin e ri.
Së bashku më të fortë! /InLajmi/
