Për shkak të tragjedisë në Tetovë ku 14 persona humbën jetën në zjarrin që shpërtheu në spitalin modular në Tetovë si dhe zisë kombëtare, partitë politike, deri të dielën kanë anuluar të gjitha aktivitetet publike që lidhen me Zgjedhjet Lokale 2021 të caktuara për më 17 Tetor.
Megjithatë, partitë dhe kandidatët e pavarur që dëshirojnë të marrin pjesë në zgjedhje duhet t`i respektojnë afatet e parashikuara nga KSHZ-ja.
Mbrëmë në mesnatë ka përfunduar qasja publike në Listen Zgjedhore, kurse nesër në mesnatë skadon afati për dorëzimin e kandidaturave për zgjedhjet në Komisionit Komunale Zgjedhore.
Deri të Mërkurën, 8 Shtator, sic ka njoftuar KSHZ-ja, në listën zgjedhore janë kontrolluar 13.916 qytetarë. Janë dorëzuar 140 kërkesa për regjistrim, 31 kërkesa për cregjistrim dhe 43 kërkesa për ndryshime të të dhënave në Listën zgjedhore. Gjithashtu në e-mail adresën e KSHZ-së upisis@sec.mk janë dorëzuar 88 kërkesa, përcjell KlanMacedonia.
Më 14 Shtator skadon afati, deri kur KSHZ-ja duhet që Listën Zgjedhore t`ua dorëzojë partive politike, të cilët nga ana tjetër deri më 19 Shtator duhet të dorëzojnë kërkesa eventuale për korigjim. Deri më 24 Shtator, KSHZ-ja duhet të mbyll Listën zgjedhore kurse më së voni deri më 1 Tetor ta nënshkruajë.
