Ministri i Mbrojtjes Armend Mehaj, ka reaguar pas zjarrit të rënë në Spitalin e Covid në Tetovë, përcjell InLajmi.
Ai përmes një postimi në Facebook, përveç që ka ngushëlluar për ngjarjen tragjike ka ofruar gjithë kapacitetet e ministrisë së Mbrojtjes në mbështetje të Shtabit Emergjent për tejkalimin e tragjedisë në spitalin modual.
Postimi i plotë i tij:
Me dhembje të madhe, shpirt e mendje me Tetovën!
Ministres së Mbrojtjes, Radmila Shekerinska – Jankovska dhe kryetares së Komunës së Tetovës, Teuta Arifit, përveç ngushllimeve më të thella, i kam ofruar të gjitha kapacitetet tona në mbështetje të Shtabit Emergjent, për menaxhimin dhe tejkalimin e tragjedisë në spitalin modular të Tetovës.
Familje të viktimave dhe të lënduarëve, në këto momente shumë të rënda, jemi me Ju!/InLajmi/
