Në mbledhjen e sotme të Qeverisë është miratuar Projekt-rregullorja për ndryshimin e rregullores për fushat e përgjegjësisë administrative të Zyrës së Kryeministrit dhe ministrive, raporton InLajmi.
Ky ndryshim u mundëson ministrave të cilët udhëheqin ministri të fuzionuara të angazhojnë 10 këshilltarë të brendshëm dhe 5 të jashtëm.
Sipas Kryeministrit, kjo po bëhet me qëllim të organizimit të punës së Qeverisë.
“Si rezultat i fuzionimit të ministrive është zgjeruar fushëveprimi dhe janë rritur përgjegjësitë e tyre dhe me qëllim të ngritjes së kapaciteteve sot shqyrtojmë projekt rregulloren për plotësimin dhe ndryshimin e rregullores me të cilën përcaktohen fushat e përgjegjësisë administrative të zyrës së kryeministrit dhe ministrive”.
“Qëllimi i hartimit të kësaj projekt rregullore është ndryshimi dhe plotësimi për fushat e përgjegjësisë administrative të zyrës së kryeministrit dhe ministrive ashtu që në rastet kur fusha e përgjegjësisë administrative e 2 apo më shumë ministrive që janë fuzionuar, ministri mund të emërojë deri në 10 këshilltarë politikë, gjithashtu edhe në rastet kur 2 apo ma shumë ministri janë fuzionuar mund të emërohen nga ministri 5 këshilltarë të jashtëm politikë”, ka thënë ai.
Ndërsa, zëdhënësi i Qeverisë, Përparim Kryeziu u shpreh se se bëhet fjalë për shtimin e kapaciteteve njerëzore në kabinetet e 5 ministrive të cilat janë fuzionuar.
“Ky ndryshim ka për qëllim me iu përgjigj faktit se këto ministri në momentin kur janë shkrirë kanë pësuar një rritje të kompetencave e rrjedhimisht ka qenë. Në këto ministri nga 6 në 10 dhe është në funksion të mbarëvajtjes së plotësimit të këtyre ministrive të cilat janë shkrirë në një”, ka thënë ai./InLajmi/
