Sot shënohet 31-vjetori i shpalljes së Kushtetutës së Kaçanikut, përcjell InLajmi.
Në ditën e shënimit të saj ka reaguar kreu i AAK-së, Ramush Haradinaj.
Ai përmes një postimi në Facebook, ka kujtuar aktin themeltar të shtetit, Kushtetutën e Kaçanikut, duke kujtuar edhe kohërat e vështira të okupimit dhe rrugën e vështirë deri te liria.
Postimi i tij i plotë:
Duke shprehur mirënjohje të përjetshme për deputetët e 7 shtatorit 1990, kujtojmë sot aktin themeltar të shtetit, Kushtetutën e Kaçanikut, nga më të avancuarat në rajon për rrethanat kohore.
Duke kujtuar, kohërat e vështira të okupimit, rrugën e vështirë deri te liria, nderojmë sakrificën e secilit që dha mundin, gjakun dhe jetën, që ne të kemi shtet dhe kushtetutë.
Duke respektuar përpjekjet shekullore për liri, frymën e Kushtetutës së Kaçanikut, është obligim i joni që t’i ruajmë si gjërat më të shenjta, lirinë, demokracinë dhe institucionet demokratike.
Ruajtja e rendit kushtetues demokratik, bëhet së pari duke respektuar vlerën e jetës njerëzore, në përballjen tonë me sfidën e shekullit.
Kushtetuta e Kaçanikut, kishte për qëllim të na bënte shtëpi. E sot shtëpia jonë e përbashkët, Republika e Kosovës, duhet të jetë vatër e ngrohtë për secilin, që ofron mundësi për jetë, punë e ardhmëri. RH./InLajmi/
