Talibanët thanë të hënën se kanë marrë kontrollin e provincës Panjshir në veri të Kabulit, pjesa e fundit e forcave anti-talebane në vend dhe e vetmja provincë që talebanët nuk kishin marrë në Afganistan muajin e kaluar, transmeton InLajmi.
Mijëra luftëtarë talebanë pushtuan 8 rrethe të Panjshir brenda natës.
Zëdhënësi i talebanëve Zabihullah Mujahid tha në një deklaratë, se Panjshir tani ishte nën kontrollin e luftëtarëve talebanë.
“Ne u përpoqëm me të mirë për të zgjidhur problemin përmes negociatave, dhe ata refuzuan bisedimet dhe më pas na u desh të dërgonim forcat tona për të luftuar”, tha Mujahid në një konferencë shtypi në Kabul.
Forcat anti-talebane ishin udhëhequr nga ish-nënpresidenti, Amrullah Saleh, dhe gjithashtu djali i luftëtarit ikonik anti-talebanë Ahmad Shah Massoud i cili u vra vetëm disa ditë para sulmeve terroriste të 11 Shtatorit në Shtetet e Bashkuara, shkruan AP.
Ndërkohë në provincën veriore Balkh, të paktën 4 aeroplanë që ishin dërguar për të evakuuar disa qindra njerëz nuk kanë qenë në gjendje të largohen nga vendi për ditë të tëra, thanë zyrtarët të dielën, me informacione kontradiktore se pse fluturimet nuk fillojnë në një kohë kur presioni rritet mbi SHBA për të ndihmuar ata që kanë mbetur të bllokuar në vend./InLajmi/
