Komuna e Gjilani ka njoftuar se punëtorët e shtetit në këtë komunë, nga neser nuk mund të hyjnë në vendet e punës pa konfirmim vaksinim ose test negative të virusit, përcjell InLajmi.
Kryetari i komunës, Lutfi Haziri ka bërë të ditur se deri tani në Gjilan janë vaksinuar 49.131 qytetarë, derisa ka bërë apel që të vazhdojë vaksinimi.
Vendimi i marrë nga komuna vlenë për të gjithë punëtorët e shtetit, zyrtarët publik, mjekët, infermierët, mësimdhënësit, zjarrfikësit, punëtorët teknikë
Njoftimi i plotë i Komunës së Gjilanit:
Haziri: Nga nesër, punëtorët e shtetit nuk do të mund të hyjnë në vendet e punës pa konfirmim të vaksinimit, test PCR apo test rapid
Gjilan, 6 shtator 2021 – Komiteti i Gjilanit për menaxhimin dhe parandalimin e përhapjes së COVID-19, nën udhëheqjen e kryetarit, Lutfi Haziri, ka mbajtur takimin e radhës për vlerësimin e situatës së ballafaqimit me këtë virus.
Kryetari Haziri ka bërë të ditur se deri tani 49.131 gjilanas janë vaksinuar, derisa sërish u ka bërë apel qytetarëve që të vazhdojnë të vaksinohen, si e vetmja mënyrë e parandalimit të më të keqes.
Ndërkaq, kreu i Gjilanit ka nxjerr sot vendimin se nga nesër, (7 shtator 2021), punëtorët e shtetit, përfshirë shërbyesit civilë, zyrtarët publik, mjekët, infermierët, mësimdhënësit, zjarrfikësit, punëtorët teknikë etj., nuk do të mund të futen në vendet e tyre të punës pa konfirmim të vaksinimit, test PCR apo test rapid antigjen.
Ndryshe, gjendja e përgjithshme në Gjilan prej fillimit të pandemisë është si vijon: nga 26.111 mostra, 9.331 qytetarë kanë rezultuar pozitivë, 8.160 janë shëruar, 174 persona e kanë humbur betejën, 998 raste janë aktive, 49.131 deri tani janë vaksinuar, të hospitalizuar janë 111 pacientë, ndërkaq 146 mostra janë në pritje për rezultat./InLajmi/
