Sundimtarët talebanë të Afganistanit kanë rifilluar disa fluturime të brendshme për udhëtarë, nga dhe për në Kabul, transmeton InLajmi.
Rihapja e aeroportit të Kabulit, vjen pasi luftëtarët e policisë fetare bënë edhe sulmin e fundit, në vendin e vetëm rezistent ndaj sundimit të tyre.
Luftëtarët anti-talebanë në provincën Panjshir, në veri të kryeqytetit afgan, udhëhiqen nga ish-nënpresidenti Amrullah Saleh, i cili ka apeluar për ndihmë humanitare për të ndihmuar mijëra njerëz të zhvendosur atje nga luftimet.
Një zëdhënës i lartë i talebanëve shkroi në Tëitter të dielën se trupat talebane kishin pushtuar rrethin Rokha, një nga 8 rrethet më të mëdhenj në Panjshir. Disa delegacione talebane kanë tentuar negociatat me prona atje, por bisedimet nuk kanë arritur të kenë ndikim.
Saleh iku në Panjshir pasi Presidenti Afgan Ashraf Ghani u largua nga Afganistani ndërsa talebanët marshuan drejt kryeqytetit, shkruan AP.
Marrja e kontrollit nga talebanët në të gjithë vendin zgjati më pak se një javë, duke kapërcyer rreth 300.000 trupa qeveritare, shumica e të cilëve u dorëzuan ose ikën./InLajmi/
